ဒေါက်တာ မြင့်သိန်း(ငြိမ်းချမ်းလုလင်) မှ မြန်မာမွတ်စလင် ရေးရာ အကြံပြုချက် စာတမ်း ပြည်သူ့လွှတ်တော် နှင့် အမျိုးသား လွှတ်တော် သို့ ပေးပို့

. ·

၁၉၈၂ ခုနှစ် မြန်မာနိုင်ငံသားဥပဒေကို ပြင်ဆင်ပေးရန် နှင့် မြန်မာမွတ်စလင် လူ့အစုအဝေးအား ပြန်တမ်းဝင် အမည်များ(သို့မဟုတ်) ၁၉၇၃ ခုနှစ် ကမ္ဘာသို့ တရားဝင်ကြေညာခဲ့သော လူမျိုးအမည်ဖြင့် သန်းခေါင် စာရင်း ကောက်ယူပေးရန် အကြံပြုစာတမ်း အားမြန်မာမွတ်စလင်မ် ပညာရှင် ဒေါက်တာမြင့်သိန်း(ငြိမ်းချမ်းလုလင်)မှ ပြည်သူ့လွှတ်တော်ဥက္ကဌ ဦးရွှေမန်း ၊ အမျိုးသားလွှတ်တော် ဥက္ကဌ ဦးခင်မောင်မြင့် တို့ထံ ဇူလိုင် ၂ရက်နေ့စွဲဖြင့် ပေးပို့ခဲ့ကြောင်း မွတ်စလင်သတင်းစဉ်မှ သိရသည်။ နိုင်ငံတော် ဖွံ့ဖြိုးတိုးတက်ရေး အတွက် ဒီမိုကရေစီ အသွင်ကူးပြောင်းရေးကာလတွင် လိုအပ်သော လူသားအရင်းအမြစ်များ နှင့် သံယံဇာတ များကို မှန်ကန်စွာ အသုံးချနိုင်ရေး ၊ ကုလသမဂ္ဂ ပဋိညာဉ် နိုင်ငံတကာစံနှုန်းများ နှင့်ကိုက်ညီ သော ဥပဒေများ ပေါ်ထွန်းနိုင်ရန် ရည်ရွယ်ကြောင်း အဆိုပါ အကြံပြုစာတမ်းတွင် ဒေါက်တာမြင့်သိန်း(ငြိမ်းချမ်းလုလင်) က ရေးသားထားသည်။
မြန်မာမွတ်စလင် လူ့အဖွဲ့အစည်းတွင် (၁) ဗမာမွတ်စလင်မ်(ပသီ၊မြေဒူးနှင့် ဇေရ်ဘာဒီ) (၂) ရခိုင်မွတ်စလင် (၃) ကမန်(၄) ပသျှူး(၅) ပန်းသေး(၆) ကသည်းမွတ်စလင်မ် များ ပါဝင်ပါကြောင်း၊ ၄င်းအပြင် ဘိုးဘွားမျိုးနွယ် မဖျောက်လိုသော စူရတီ၊ မေမန်၊ နရ်စာပူရ်၊ဘင်္ဂါလီ၊ ပထန် မျိုးနွယ်တို့လည်းသီးခြား ရှိနေပါကြောင်း၊ မြန်မာမွတ်စလင်မ် လူ့အဖွဲ့အစည်းအနေဖြင့် ပုဂံခေတ်မှ စ၍ ခိုင်မာစွာဖြစ်တည်လာခြင်းဖြစ်ကြောင်း ၁၈၂၄ အင်္ဂလိပ်-မြန်မာ ပထမစစ်ပွဲ မတိုင်မီက မြန်မာပြည်တွင် အခြေစိုက်နေထိုင်ခဲ့ကြသော တိုင်းရင်းသား လူမျိုးစု ဖြစ်ပါကြောင်း၊ ၄င်း စာတမ်းတွင် အစချီဖေါ်ပြထားသည်။
မြန်မာမွတ်စလင်မ် အစုအဝေးကို အမည်ပြောင်းလဲသုံးစွဲခဲ့ခြင်းနှင့်ပတ်သက်ပြီး ဖေါ်ပြထားသည်မှာ .. ဘိုးတော်ဘုရားလက်ထက်တွင် ရခိုင်ဒေသအပါအ၀င် တစ်ပြည်လုံးရှိ မြန်မာ မွတ်စလင်မ်များ ကို ပသီ ဟု တရားဝင်ပြန်တမ်း တွင် သုံးစွဲခဲ့ပါကြောင်း၊ ဗြိတိသျှ ကိုလိုနီဘ၀တွင် ပသီအစား ဇေရ်ဘာဒီ ဟု တရားဝင် သုံးစွဲခဲ့ကြောင်း၊ ၉.၈.၁၉၄၁ နေ့တွင် မြန်မာမွတ်စလင်မ် Burman Muslim ဟုသုံးရန် နိုင်ငံတော်မှ ကြေညာချက်ထုတ်ပြန်ခဲ့ကြောင်း၊ ဖဆပလ ခေတ်တွင် ဗမာမွတ်စလင်မ် ဟု သုံးစွဲခဲ့ပြီး နောက်ဖဆပလ အဖွဲ့ချုပ်ကြီးက ဗမာမွတ်စလင်မ် သည် ဗမာ ဟု သတ်မှတ်ခဲ့ပါကြောင်း ရေးသားတင်ပြထားသည်။
၁၉၇၃ ခုနှစ် သန်းခေါင် စာရင်းကောက်ရေးအတွက် မြန်မာနိုင်ငံ ရှိ တိုင်းရင်းသား လူမျိုးစု ၁၄၃ မျိုးစာရင်းကို ၂၃.၂.၁၉၇၃နေ့ထုတ် နိုင်ငံတော် သတင်းစာကြီး များက တစ်ဆင့် ကမ္ဘာသိကြေညာခဲ့ရာတွင် (၁) မြန်မာမူစလင်(၂)ရခိုင်စစ်တကောင်း(၃) မြေဒူး(၄) ရခိုင်ကမန်(၅) နိုင်ငံခြားသား စာရင်းတွင်ဖေါ်ပြ ထားခြင်းမရှိသော အခြား မြန်မာ-အိန္ဒိယများ (၆) နိုင်ငံခြားသားစာရင်းတွင်ဖေါ်ပြထားခြင်းမရှိသော မြန်မာတရုတ်(ပန်းသေး) တို့ကို တိုင်းရင်းသား အဖြစ် အတည်ပြုခဲ့ပါကြောင်း ၊ ဗိုလ်ချုပ်အောင်ဆန်းမှ မြန်မာ့လွတ်လပ်ရေးတွင် လူမျိုးပေါင်းစုံ၊ဘာသာပေါင်းစုံ တို့၏အနစ်နာခံဆောင်ရွက်မှုကို အသေးစိတ်သိခဲ့ရာ မြန်မာမွတ်စလင်မ် တို့ကိုသာမက တိုင်းပြည်အပေါ်သစ္စာရှိခဲ့သော အိန္ဒိယနွယ်ဖွားများကိုလည်း လွတ်လပ်ရေးရလျှင် အများနည်းတူ တန်းတူအခွင့်အရေး ရရှိစေရမည်ဟု ကတိပြုခဲ့ပါကြောင်း၊ ရေးသားထားသည်။
ဦးနေ၀င်းအစိုးရလက်ထက်တွင် မြန်မာမွတ်စလင်မ်များ အခွင့်အရေးဆုံးရှုံးခဲ့ ရခြင်းနှင့် ပတ်သက်ပြီး ဖေါ်ပြရာတွင် ၁၉၈၂ခုနှစ် နိုင်ငံသားဥပဒေကို တီထွင်ပြဌာန်း ခဲ့ပြီး တိုင်းရင်းသား လူမျိုးစု ၁၄၃မျိုးမှ ၁၃၅မျိုးသို့ မိမိဆန္ဒဖြင့် အဓမ္မလျှော့ချခဲ့ရာ မြန်မာ မူဆလင်၊ရခိုင်စစ်တကောင်း၊ မြေဒူး၊ အခြားမြန်မာ အိန္ဒိယ၊မြန်မာတရုတ်(ပန်းသေး) တို့သည် သမိုင်းကြောင်း အရ ရရှိခဲ့ော တိုင်းရင်းသား အခွင့်အရေး မတရား ဆုံးရှုံးခဲ့ရပါကြောင်း၊ နိုင်ငံသား ကိုလည်း နိုင်ငံသား စစ်စစ်၊ ဧည့်နိုင်ငံသား၊ နိုင်ငံသားပြုခွင့်ရသူ ဟူ၍သုံးမျိုး ခွဲခြားခဲ့ပါကြောင်း၊ ၁၉၈၂ နိုင်ငံသားဥပဒေ သည် နိုင်ငံတကာ စံနှုန်းများ နှင့်မကိုက်ညီကြောင်းကို ကုလသမဂ္ဂ အပါအ၀င် နိုင်ငံတကာ အဖွဲ့အစည်းများက သတိပေးထားပြီဖြစ်ကြောင်း ၊ မြန်မာနိုင်ငံသည် အာဆီယံဥက္ကဌ ရာထူးအား မကြာမီ ရယူတော့မည်ဖြစ်ရာ ပြည်တွင်လူမျိုးရေး ကိစ္စများကို ကြိုတင်ညှိုနှိုင်းဆောင်ရွက်ထားရန် လိုအပ်ပါကြောင်း ဖေါ်ပြထားသည်။
မြန်မာမွတ်စလင်မ်ရေးရာနှင့် ပတ်သက်၍ တောင်းဆိုရာတွင် ၁၉၈၂ နိုင်ငံသားဥပဒေအား နိုင်ငံတကာ စံနှုန်းများ နှင့်အညီ ပြင်ဆင်ရေးဆွဲပေးပါရန် ၊ ၂၀၁၄ ခုနှစ်သန်းခေါင်းစာရင်းကောက် ယူရာတွင် မြန်မာမွတ်စလင်မ် လူ့အစုအဝေးအား လွတ်လပ်ရေးမတိုင်မီက ပြန်တမ်းဝင်အမည်များဖြစ်ခဲ့သော (၁)ပသီ(၂) ဇေရ်ဘာဒီ (၃) မြန်မာမွတ်စလင်မ် အမည်တစ်ရပ်ရပ်ဖြင့်ဖြစ်စေ၊ ၁၉၇၃ ခုနှစ်က ကမ္ဘာသို့တရားဝင် ကြေညာပြီးဖြစ် သော (၁)မြန်မာမူစလင်(၂)ရခိုင်စစ်တကောင်း(၃) မြေဒူး(၄) ရခိုင်ကမန် (၅)အခြားမြန်မာ အိန္ဒိယ (၆)မြန်မာတရုတ် (ပန်းသေး) စသည့် အမည်များ ဖြင့်ဖြစ်စေ၊ ဖဆပလ အဖွဲ့ချုပ်ကြီး၏ ဆုံးဖြတ်ချက်အတိုင်း ဗမာမွတ်စလင်မ်သည် ဗမာ ဟု သတ်မှတ်လိုပါကလည်း ဗမာမျိုးနွယ်စုတွင် ၉မျိုးရှိပြီးဖြစ်ရာ ဒဿမ မြောက် ဗမာ(၀ါ)ပသီဗမာ အဖြစ်ထည့်သွင်းပါရန် အကြံပေးတင်ပြထားသည်။
ခိုးဝင်ဘင်္ဂါလီများကိုအကြောင်းပြု၍ တရားဝင်နိုင်ငံသားဖြစ်ပြီးသော ၊ နိုင်ငံသားပြုခွင့်ရပြီးသော ဘင်္ဂါလီ၊အိန္ဒိယ နှင့် ပါကစ္စတန် နွယ်ဖွားများ၏ နိုင်ငံသားမူလအခွင့်အရေး မထိခိုက် စေရေးကို ကာကွယ်ပေးပါရန် အကြံပြုတင်ပြကြောင်း အဆိုပါ အကြံပြုချက်စာတမ်းတွင် မြန်မာမွတ်စလင်ဆိုင်ရာ သမိုင်းအထောက်အထားများနှင့်တကွ ရေးသားထားသည်။
ဒေါက်တာမြင့်သိန်း(ငြိမ်းချမ်းလုလင်)သည် ဒေါက်တာမြင့်သိန်းသည် အပြည်ပြည်ဆိုင်ရာ ရေကြောင်း ရေဒီယို အရာရှိ တစ်ဦးဖြစ်ပြီး ရန်ကုန် အဝေးသင် တက္ကသိုလ်မှ စိတ်ပညာဘွဲ့ရရှိခဲ့သူတစ်ဦးဖြစ်ပါသည်။ အစ္စလာမ်ဘာသာရေးတွင် ကျမ်းတော်မြတ်ကုရ်အာန် မြန်မာ ဘာသာပြန်မှုး အစ္စလာမ် သာသနာရေးရာကောင်စီ ဥက္ကဌဟောင်း (ကွယ်လွန်) ဆရာကြီး သီရိပျံချီ အလ်ဟာဂ်ျ မုဖတ်စိရွလ်ကုရ်အာန် ဂါဇီ မုဟမ္မဒ် ဟာရှင် ပေးအပ်သော ဓမ္မသတ်မှုး (မွဖ်သီ) ဘွဲ့ ရရှိခဲ့ပြီး နောက် မလေးရှားနိုင်ငံရှိ အပြည်ပြည်ဆိုင်ရာ အစ္စလာမ့်တက္ကသိုလ် (IIUM) ရှိ International Institute of Islamic Thought and Civilization (ISTAC) မှ မွတ်စလင်မ်ကမ္ဘာ့ အရေး အထူးပြုဘာသာတွဲဖြင့် ဒေါက်တာဘွဲ့ ရရှိခဲ့သူ တစ်ဦး ဖြစ်ပါသည်။
ငြိမ်းချမ်းလုလင် ဟူသော ကလောင်အမည်ဖြင့် အလ္လာဟ်နှင့်သက်သေ လက္ခဏာများ အမည်ရှိသော စာအုပ်အပြင် စာအုပ် စာပေများ နှင့် ဆောင်းပါးပေါင်း များစွာရေးသားခဲ့သော စာရေးဆရာ တစ်ဦးဖြစ်ပြီး မြန်မာနိုင်ငံ တ၀ှမ်း တရားဓမ္မများကို နယ်လှည့် ပို့ချခဲ့သော ဓမ္မကထိက တစ်ဦးဖြစ်ပါသည်။လက်ရှိတွင် အလ်အဇ်ဟရ်အစ္စလာမ်သိပ္ပံ ကျောင်းအုပ် အဖြစ် တာဝန် ထမ်းဆောင်လျက်ရှိသည်။ မွတ်စလင် သတင်းစဉ်